Touro
Bully sticks (verga de touro) e nervios de touro deshidratados: as lambetadas naturais que máis duran para cans que precisan roer. Feitas en Galicia.
Seguir lendo
Se o teu can destroza unha lambetada en dous minutos, esta é a súa categoría. Os bully sticks e os nervios de touro son as pezas máis densas e duradeiras que fabricamos: case todo proteína (77,3 % e 84 %), moi pouca graxa, e unha textura que esixe traballar a mandíbula durante un bo anaco.
Son os mastigables que recomendamos a cans ansiosos, a razas grandes con moita forza e a calquera can ao que lle guste roer con calma. Deshidratados sen conservantes nin colorantes, fabricados en Lugo, en Galicia.
Nervios de touro e bully sticks: a lambetada que dura
O bully stick é o mastigable natural máis coñecido do mundo, e con razón: é unha soa peza de touro, deshidratada ata quedar durísima, que un can pode roer durante media hora ou máis. O nervio de touro é o seu curmán menos famoso pero igual de eficaz, cunha textura fibrosa que se abranda pouco a pouco coa saliva.
Os dous comparten algo que os diferencia dos ósos: non se estelan. Vanse desgastando por capas, o que os converte nunha opción máis segura para mastigadores intensos. E ao seren case todo proteína, cun 4 % de graxa no nervio e un 12,5 % no bully stick, non pesan tanto na dieta coma unha orella de porco.
Que atoparás
- Bully Sticks (Verga de touro): 77,3 % de proteína. En doypack de 5 unidades ou en bolsas de 300 g, 500 g e 1 kg.
- Nervios de touro: 84 % de proteína e só 4 % de graxa. En doypack de 150 g.
Para que cans e como dalos
Valen para todo tipo de cans, pero onde máis lucen é con cans medianos e grandes que precisan descargar enerxía mastigando. A un can pequeno dálle o nervio máis fino ou parte o bully stick; tardará igualmente un bo anaco. Como pauta, dúas ou tres pezas á semana para un can de 20 kg, descontando algo da súa ración.
A única precaución seria é o último anaco: cando queda un toco de poucos centímetros, algúns cans intentan tragalo enteiro. Retírao. O resto é o de sempre: supervisión, auga á man e comezar con sesións curtas se o teu can ten o estómago delicado. Son pezas con cheiro intenso; se iso che molesta na casa, dállas na terraza ou durante o paseo.
Feito en Galicia
Deshidratamos os nervios e os bully sticks en Lugo. É un proceso longo, porque son pezas grosas e queremos que queden secas por dentro, non só por fóra. É o que fai que duren tanto e se conserven sen engadidos. Se non sabes cal escoller para o teu can, escríbenos.